Conversations

 Will you to go market?

Bou: Bazar ot zaiba né?

Bou: Aijja kessú háibella nái.

Beça: Ebbre kessú nái néki?

 

Bou: Ói kessú nái.

Bou: Mas, Gusso, Torhari, Moris, Mosólla beggín aná foribóu.

Beça: Aiccá tóile. Añí bazar ot zaibellá dhula wá de.

Bou: Dhula dhoóñr sái luwa foribóu, noóile bazar nu añçibóu.

Beçi: Aiccá, tóile dhula dhoóñr gwá de.

Bou: Aiccá toratori aiccó, fuain dórtu búk lagibóu.

Beça: Aiccá añí toratori aiyír.

Beça: Zór der sáti gán tortori de. Noóile bízi zaiyoum bói.

Bou: Béra arde thaiyon kíyal gori ainnó noó?

Beça: Ebbre sinta nogorís, añí ainnóum.

Bou: Áñz óizargói, aijó ká, nu aiyér?

Beça: Bazar ainní, fuain gún defeçá, jolti.

Bou: Añí tuáñr lá sinta gorírde, aijja deri ká óiye?

Beça: Zór bicí diyéde, bazar gomgóri, loi noó fari.

Bou: Ziyán aní faijjó ri. Ocúida nái.

Beça: Bát toratori toiyar gor, bicí búk laiggé.

Beça: Fuain beggún gór ot aiccé né?

Bou: Ói aiccé.

 

----------------------------------------------------

Visit to a friend conversation:

Hamid: Héllo, Tuñí keén asó?

Taher: Añí gom así.

Hamid: Tuñí gom asó né?

Taher: Añí yó gom así.

Hamid: Tuáñr hañsé berai tóu aiccóum.

Taher: Thík asé. Aiyó.

Hamid: Hon din fárek asó?

Tahér: Hailla aiyó, Cónibare añí háli así..

Hamid: Howá báze aitám?

Taher: Ázinna 4 gwá báze aiyó.

Hamid: Tóile, añí hailla fuain sáin loi aiyír.

Taher: Thík asé. Añára sooñi boói táikoum.

Hamid: Añára 10 miníth ór bútore foóñsir.

Taher: Ói thík asé.

Taher: Añára yó baárkule neelir rasta dahái dibellá.

Hamid: Añí tuáñre dekír.

Taher: Assolamu Alaáikum.

Hamid: Waalékum Solám.

Taher: Tuáñra ré dekíyóre bicí kúci lager.

Taher: Tuáñra cúndor gorí aái faijjó né?

Hamid: Añára asán gorí aái faijjí.

Hamid: Honó mockil nóo.

Taher: Tóile, aiyó aiyó.

Taher: Góror bútore gólogai. Thándha bicí baárkule.

Taher: Faní táni háiba ne?

Taher:Óu fuain ókkol, gorbá'lla saá faní toiyar goró.

Hamid: Kessú duadi gorá noforibóu.

Hamid: Añára tuáñr lói nodekír dé bicí deri óigiyói.

Taher: Tuáñr lói bóut din baadé dekír dé, bicí gom lager.

Taher: Tuáñra yó añárar éçe hámicá aibá. 

 

 

By E.M Siddique